နေမီး

    (ဖတ္မရသူေတြအတြက္ ေအာက္မွာ ဖတ္လို႔ရေအာင္လုပ္ေပးထားပါတယ္ ) အခန်း ( ၃ ) ကန္တာရ..ဆောင်း              ကားကိုဆီထည့်အပြီး လမ်းထဲဘက်မောင်း လာစဉ် အရက်အေးဂျင့်ဆိုင်တစ်ဆိုင်ကိုတွေ့တော့ ကားကို ရပ်ပစ်လိုက်မိသည်။ ကျွန်တော်ဘာဖြစ်လို့ ဒီနေရာမှာ ကားကိုရပ်ပစ်လိုက်သည်ဟု ကိုယ့်ကိုယ်ကိုသိနေပါသည်။  တစ်ခါတလေတော့ မမျှော်လင့်ပဲ ရောက်လာတဲ့ရင်ထဲက အနာကို ပယင်းရည်နဲ့ ဆေးပစ်မည်ဟု ရူးရူးမိုက်မိုက်တွေးလိုက်မိသည်။  သူငယ်ချင်းအပေါင်းအသင်းတွေနဲ့  စက်ရုံံဝန်ထမ်းရောင်းမောင်းကားသမား ဘဝတုန်းက ပျော်သည်လည်းမဟုတ် ဝမ်းနည်းသည်လည်းမဟုတ် လူငယ်တွေရဲ့ အပျော်တမ်းလုပ်သလိုမျိုး အရက်သေရည်များကို တော်တော်များများသောက်မိခဲ့ဖူးသည်။ ယခုကားလေးတစ်စီးဝယ်ပြီး အိမ်လုံးကျဉ်းလေး ငှါးကာ taxiသမားဘဝကိုရောက်ဖြစ်ခဲ့တော့ အရင် လိုသူငယ်ချင်းတွေနဲ့ မဆုံဖြစ်ကြတာက တစ်ကြောင်းလူကြီးဆန်သွားပြီး ရင့်ကျက်လာသည်ကတစ်ကြောင်းတို့ကြောင့် အရင်လိုအရက်သေစာများ နှင့်ကင်းကွာခဲ့သည်မှာ လေးငါးနှစ်လောက်ပင် ကြာခဲ့ပြီဖြစ်သည်။  မသောက်တော့ဖူးဟု ဆုံးဖြတ်ထား ပေမယ့် ရင်ထဲမှာပြင်းပြင်းရှရှခံစားနေရသောဝေဒနာကြီးကို မူးရစ်...